اول كلمه
يا مصر يا أم الدنيا
من على جدرانك ايدى ف ايد اخويا
مفيش فرق مسلم او مسيحى
هنمحى كل شئ ظالم
اجندتنا عمرها ما كانت من بره
اجندتنا شبابيه وطاهره
ازاى يقولوا علينا موجهين
واحنا ولادك يامصر
ولادك اللى افتخروا بعظمتك وكيانك
يامصر مش هنطول كتير
ومن يومنا نبدء من جديد
عهد ظالم رجعنا كتير
وقالوا دمرتوها وخربتوها
هما مش عارفين يا مصر ان الخراب باين عليكى
والدمار كان جاى لو كنا قعدنا ساكتين
كنا فى وادى وانتى فى وادى وأهلينا عنك ساكتين
جينا اليوم وقناها
يا نموت هنا يا تمشوا من هنا
مشيوا وسابوكى وحيده
لكن معاكى ياغاليه همشى فى طريقنا
الله اعلم ايه اللى هيحصل لينا
بس الأكيد عمرها ما هتكون غلطه
يامصر يأم الأمم
افرحى وشوفى اصلك
شوفى اخويا العربى اخيرا شافك
ياما سمع عنك كتير حكاوى
وعمره ما شافك يا مصر على حقيقتك
شايفك ساكته جزينه
شايف الذل والمهانه
فتحنا صفحتنا وكلنا كتبنا
على جدران الفيس بوك سطرنا
كل واحد فى طريقه
وليوم البدايه رتبنا ونزلنا
وقفوا لنا عساكر وحوش
مفيش فى قلوبهم رحمه
قلناها سلميه سلميه
اتريهم مش فاهمين
نزلوا علينا زى الديابه
رصاص حى ومطاطى
وقنابل مسيله
قالوا شويه همج وفى ثوانى نمشيهم
ميعرفوش انك موصينا
مسعرفوش اننا قسمنا القسم
يا ناخد حقك يا ياخدوا روحنا
دخلنا عليهم بصدور قويه
وبغدر منهم قتلوا واحد والتانى
قلنالهم وايه المانع
خدوا عليهم كمان 100
خافوا وجريوا يمين وشمال
قالوا نبعت ليهم البلطجيه
وايه الجديد عليهم
30 سنه استعباد ومهانه
كلنا عارفين الحكايه
ومن جمعه غضب لرحيل وصمود
قلناله
بكره بعد العصر كلنا رايحين القصر
قالوا دا هناك حرس جمهورى
ميعرفوش انها شهاده
وكلنا نتمنى الشهاده
واخيرا مشى رئيسنا
سابك لينا يا غاليه
الله يسامحه على كل غلطه
دا مهما كان واحد مننا
راح وراحت ايامه
قطعنا كلنا صفحات 30 سنه
وفتحنا كلنا صفحه جديده
جوه كل واحد مننا حلم
على صفحته هيرسم ويشخبط
يا مصر حمد الله على سلامتك
غيابك عنا طال
مننساش شهدائنا اللى نوروا طريقنا
ازاى كنا نمشى ودمهم يروح هدر
دول مهما كان اخوتنا ومن دمنا
ياريتنى كنت معاهم
وعشان خاطرك انول الشهاده
بس ربنا كاتب لى انى اعيش
اشوفك وارفع راسى
كلى فخر وعزه
كل حماس ونشاط
كلى هم على بكره
ازاى يكون احسن
وبدل معانا ربنا وكلنا ايد واحده
ماتخافى يا مصر ولو لحظه
0 التعليقات:
إرسال تعليق